रास्वपाले दशैँ-तिहारको अवसरमा इन्द्रेश्वर परिसर चम्काउदै!

पनौती, काभ्रे- नेपालीहरूको महान् चाड दशैँ, तिहार तथा छठको पावन अवसरमा राष्ट्रिय स्वतन्त्र पार्टी (रास्वपा) पनौती नगर समितिको सहकार्यमा वडा नं. ७ परिवारले एक विशेष शुभकामना आदानप्रदान तथा बृहत् सरसफाइ कार्यक्रमको आयोजना गर्ने भएको छ।  ऐतिहासिक तथा धार्मिक महत्व बोकेको पर्यटकीय स्थल इन्द्रेश्वर मन्दिर परिसरलाई स्वच्छ र व्यवस्थित बनाउने उद्देश्यका साथ यो कार्यक्रम तय गरिएको हो। आगामी २०८३ असोज २४ गते शनिबार बिहान ७:३० बजे मन्दिर परिसरमा सरसफाइ अभियान सञ्चालन गरिने रास्वपाले जनाएको छ। 
चाडपर्वको बेला मन्दिरमा भक्तजनहरूको घुइँचो लाग्ने भएकाले वातावरण स्वच्छ राख्न र सामाजिक सद्भाव अभिवृद्धि गर्न यो पहल गरिएको हो। कार्यक्रममा पार्टीका नेता, कार्यकर्ता, स्थानीयवासी तथा समाजसेवियोंको बाक्लो उपस्थिति रहनेछ।
शुभकामना आदानप्रदानसँगै समाजमा सकारात्मक सन्देश प्रवाह गर्ने र सम्पदाको संरक्षणमा युवाहरूलाई जोड्ने लक्ष्य राखिएको छ। आयोजकले पनौतीका सम्पूर्ण नगरवासीहरूलाई उपस्थित भई यस सरसफाइ अभियानलाई सफल बनाउन हार्दिक हार्दिक निमन्त्रणा तथा आह्वान गरेको छ।